En Burela, a 9 de maio de 2008,
reunidas as asociacións
pesqueiras no marco de IX Encontro Empresarial de Organizacións Pesqueiras celebrado
co amparo da FUNDACION EXPOMAR paralelamente á celebración
das XV Xornadas Técnicas EXPOMAR 2008, desexan
manifestar o seguinte:
Ante a grave situación pola que está atravesando a totalidade
do sector pesqueiro español, cun alza continuada dos prezos
do combustible e do resto dos custos de explotación, á vez
que observamos como o peixe que os nosos mariñeiros capturan
non alcanza uns prezos que permitan o mantemento das condicións
económicas do sector,
Ante o feito de que sobre o prezo dos combustibles
non podemos intervir de forma directa, e que sobre o mercado dado
as condicións actuais,
dificilmente podemos facelo, ante a existencia dun mercado libre que
permite o acceso de produto pesqueiro de todas as orixes,
PROPOÑEMOS como forma
de buscar solución
que permita a previvencia do sector pesqueiro, que se actúe
sobre os MERCADOS e a COMERCIALIZACIÓN,
cunha serie de medidas que creemos poderían servir, cales son:
Primeira.- A curto prazo, entendemos que se
lle debe esixir ás
distintas Administración o cumprimento íntegro de toda
a normativa actualmente vixente dentro do marco da reforma da Política
Común de Control así ,
- Sobre as importacións ilegais hai que implantar todas as
medidas e controis necesarios para eliminar esta grave competencia
para a flota, que ademáis actúa de forma irregular.
- Control da legalidade e do cumprimento de
todos os requisitos esixidos ás
importacións legais, que en moitas ocasións non sofren
os controis equivalentes ao noso produto nacional, esixindo para
elas polo menos, os mesmos prezos que regula a normativa comunitaria
como prezo de retirada ou ata as propias normas de extencisón
das OOPP, e de obrigado cumprimento para a flota comunitaria.
- Control intensivo sobre o cumprimento da normativa
de etiquetaxe, en toda a cadea de distribución, con especial
incidencia nas grandes superficies e o punto de venda final ao
consumidor.
Segunda.- A medio prazo, entendemos que é necesario buscar
unha armonización das normativas e esixencias que permitan competir
en igualdade de condicións o produto nacional co doutro
país. En particular avogamos pola armonización de lexislacións,
entre outras sobre tripulacións e titulacións, entre
os Estados Membros da Unión Europea.
Por outra banda, entendemos e estamos dispostos a asumir unha REESTRUCTURACION
DA FLOTA, facendo que unidades pesqueiras abandonen a actividade,
para o que necesitamos e así pedimos ás Administracións
a posta en marcha dos programas de paralización definitiva
e a inxección de fondos para o desguace.
En todo caso, e dado que a situación é tan grave, necesítase
para a supervivencia dos buques que non abandonen a actividade, sempre
que a implantación das medidas sobre o mercado nomeadas
non sexa efectiva, por unha banda, o pago inmediato das axudas pendentes
desde o ano 2005, e posteriormente, a aplicación de axudas de
forma inmediata. Creemos que entre outras, sería preciso unha
flexibiliación dos custos empresariais, acompañadas cunha
modificación do sistema xeral de reducións da Seguridade
Social atendendo á especificidade do sector pesqueiro, así como á utilización
de parte das tarifas portuarias e a modificación do tipo do
IVE aplicable ao peixe, en beneficio do sector pesqueiro. Igualmente é necesario
solicitar as modificacións normativas suficientes para que se
modifiquen os limites das axudas de minimis ata elevalos aos 100,00 € por
buque, tal e como está regulado para o resto de sectores económicos
da Unión Europea.
